Friday, June 12, 2009

உலக மொழிகளில் தமிழுக்கு 15ஆவது இடம்


உலகில் இன்று பேசப்படும் மொழிகளில் பழமைவாய்ந்த தமிழ்மொழி 15ஆவது இடத்திற்குத் தரப்படுத்தப்பட்டுள்ளதாக மனிதவுரிமைகளுக்கான தமிழ் நிலையம் தெரிவித்துள்ளது.

உலகில் இன்று 6 ஆயிரத்து 800 மொழிகள் புழக்கத்தில் உள்ளன.



அதில், 2 ஆயிரத்து 261 மொழிகள் எழுத்துருவை பெற்றுள்ளன. ஏனைய மொழிகள் பேச்சு வழக்கில் மாத்திரமே உள்ளன.

1996ஆம் ஆண்டு மேற்கொள்ளப்பட்ட அனைத்துலக மொழியுரிமை பிரகடனத்தின் படி ஒரு மொழியின் வரலாற்றுத்தன்மை, அதன் எல்லை, அங்கீகரிப்பு, போற்றவையை அடிப்படையாகக் கொண்டு மொழிகள் தரப்படுத்தப்படுகின்றன.

ஆசியாவில் மாத்திரம் 2 ஆயிரத்து 200 மொழிகள் பேசப்படுகின்றன.

ஆபிரிக்காவில் 2 ஆயிரம் மொழிகளும், பசுபிக் நாடுகளில் ஆயிரத்து 300 மொழிகளும், ஐரோப்பாவில் 230 மொழிகளும் பேசப்படுகின்றன.

இந்தநிலையில், உலகில் வாழும் மொழிகள் என்ற அடிப்படையில் நோக்குமிடத்து தமிழ் மொழி 15 க்கும், 17 க்கும் இடைப்பட்ட இடத்தினைப் பெற்றுள்ளது.

மலேசியா, சிங்கப்பூர், தென்னாபிரிக்கா, மொரீசியசு, தென்னிந்தியா, இலங்கையின் வடக்கு, கிழக்கு பகுதி, மற்றும் 1862 ம் ஆண்டு பிரித்தானிய காலணித்துவத்தைக் கொண்ட இலங்கையின் மலைநாட்டுப்பகுதி என்பவற்றில் தமிழ்மொழி புழக்கத்தில் உள்ளது.

தமிழ் மொழிக்கு வரலாற்று சான்றுகள் உள்ளன. போர்த்துக்கல், நெதர்லாந்து ஐக்கிய இராச்சியம் போன்ற இடங்களில், இதற்கான சான்றுகள் உள்ளன.

இவற்றை 1981ஆம் ஆண்டு யாழ்ப்பாண நூலகத்தை எரித்ததை போன்று நாசமாக்க முடியாது என மனித உரிமைகளுக்கான தமிழ் நிலையம் குறிப்பிட்டுள்ளது.

சுமார், ஆறு பத்தாண்டுகளாக அனைத்துலகச் சமூகத்தினால் பாதிப்புக்குள்ளான தமிழ் மொழி பாதுகாக்கப்பட்டு வந்துள்ளதாகவும் தமிழ் நிலையம் குறிப்பிட்டுள்ளது.


-ஆதாரம்:தமிழ்வின்

4 comments:

மு.வேலன் said...

வாழ்க தமிழினம்! ஓங்குக தமிழ் மொழி!

மயாதி said...

மொழி இருக்கும் அதை பேசும் மனிதர்கள்?

மு.வேலன் said...

அதை பேசும் மனிதர்கள் இன்னும் இருக்கிறார்கள்; பற்றாக்குறை என புலம்புவதைவிட பற்றாக்குறையை தீர்க்க அந்த மொழியை பேசும் மனிதர்களை உருவாக்குவோம் இல்லையேல் விதைப்போம்.

சிவனேசு said...

தமிழோடு தமிழ் பேசும் தமிழினமும் துயரங்களைக்களைந்து என்றும் இன்புற்றிருக்க வேண்டும்.

Blog Widget by LinkWithin