Tuesday, August 11, 2009

ஆசிரியர்களே இதோ வந்துவிட்டது 'தமிழ் ஆசிரியம் மடற்குழு'

மலேசியத் தமிழ் ஆசிரியர்களிடையே இணையத் தொடர்பை ஏற்படுத்தி, அதன்வழியாகக் கருத்தாடல்கள் - செய்தி பரிமாற்றம் - பணித்திற உறவுகள் - மின்னூடகத் தொடர்புகள் செய்துகொள்வதற்கு ஏதுவாக
'தமிழ் ஆசிரியம்' என்னும் மடற்குழு (News Group) உருவாகியுள்ளது.


தமிழ் ஆசிரியம் முகவரி:-

http://groups.google.com/group/aasiriyam?hl=ta


'தமிழ் ஆசிரியம்' வாயிலாக தமிழ்க்கல்வி, தமிழ்ப்பள்ளி, கற்றல் கற்பித்தல், ஆசிரியர் நலன், மாணவர் நலன் என இன்னும் பலவற்றின் தொடர்பான கருத்துகள் - செய்திகள் - விடயங்களைப் பரிமாறிக்கொள்வதற்கான அருமை வாய்ப்பு இதுவெனச் சொல்லலாம்.

மேலும், இன்றைய இணைய உலகத்தில் ஆசிரியர்கள் தகவல் அறிந்தவர்களாக இருக்கவும்; அறிந்த தகவல்களை இணைய மின்னூடகத்தின் வழியாக மற்றவரோடு பகிர்ந்துகொள்ளவும்; கல்வி, கற்றல் கற்பித்தல் முதலானவை தொடர்பாக சிந்திக்கவும்; தமிழ்க் கணினி இணையத்தில் ஆற்றலை வளர்த்துக்கொள்வதற்கும் 'தமிழ் ஆசிரியம்' உற்றத் துணையாக இருக்கும்.

மொத்தத்தில், 'தமிழ் ஆசிரியம்' மடற்குழுமம் ஆசிரியப் பெருமக்களுக்குப் பயன்மிக்க ஊடகமாக அமையும் என நிச்சியமாக நம்பலாம்.

*தமிழ் ஆசிரியம் மடற்குழுவில் உறுப்பினர் தகுதிகள் என்ன? அதன் விதிகள் என்ன?

1.மலேசியாவைச் சேர்ந்த ஆசிரியர்கள் அனைவரும் இம்மடற்குழுவில் உறுப்பினராகலாம்.
2.உறுப்பினர்கள் மட்டுமே மடற்குழுவைப் பார்வையிடவும் பங்கேற்கவும் இயலும்.
3.கருத்தாடல்கள் அனைத்தும் நல்லதமிழிலும் பண்பானதாகவும் இருக்க வேண்டும்.
4.ஆசிரியர்களோடு தொடர்புடைய எவ்வகை கருத்தாடலுக்கும் இங்கு இடமுண்டு.
5.தங்கள் கருத்துகளைத் தெரிவிக்க உறுப்பினர்கள் அனைவருக்கும் தனியுரிமை உண்டு.
6.எழுதும் கருத்துகள் தனிப்பட்ட எவரையும் பெயர்ச்சுட்டிச் சாடுவதாக அமைதல் கூடாது.
7.தேவயற்ற கருத்துகளை அகற்றுவதற்கு நிருவாகக் குழுவினருக்கு உரிமையுண்டு.
8.உறுப்பினர் ஒருவர் ஆசிரியர் அல்லர் எனக் கண்டுபிடிக்கப்பட்டால் எந்த முன் அறிவிப்பும் இன்றி உடனடியாக உறுப்பியம் நீக்கப்படும்.
9.விதிகளை மீறும் உறுப்பினர்களை நீக்குவதற்கு நிருவாகத்திற்கு முழு உரிமையுண்டு.

*இதைத் தவிர வேறு எதேனும் உண்டா?

1.தமிழ் ஆசிரியம் மடற்குழுவின் உறுப்பினராக, உங்களிடம் கூகிள் மின்னஞ்சல் (gmail) முகவரி இருக்க வேண்டும். இல்லாவிட்டால் புதிதாக உருவாக்கிக் கொள்ளலாம்.

2.கணினியில் தமிழில் தட்டச்சு செய்ய தெரிந்திருக்க வேண்டும். அதற்கு, முரசு, தமிழா போன்ற தமிழ்ச் செயலிகளைப் (Tamil Software) ஒருங்குறி (Unicode) முறையில் பயன்படுத்தலாம்.

3.கணினியில் தமிழில் தட்டச்சு செய்ய முடியாதவர்கள் முயன்றால் விரைவில் பழகிக் கொள்ளலாம். அதற்கு, கீழ்க்காணும் இணைப்புகள் உங்களுக்கு உதவியாக இருக்கும்.




4.இணையத்தில் தட்டச்சு செய்தால் அதனைப் படி எடுத்து (copy) பிறகு வேண்டிய இடங்களில் ஒட்டிக் (paste) கொள்ளலாம்.

*தமிழ் ஆசிரியம் மடற்குழுவில் உறுப்பினர் ஆவது எப்படி?

இது மிகவும் எளிமையானது. கீழே உள்ள படிநிலைகளைப் பின்பற்றினாலே போதும். முதலில் தமிழ் ஆசிரியம் முதற்பக்கம் செல்லவும்.


படி 1

படி 2

படி 3

படி 4

இப்போது உங்களுடைய விண்ணப்பம் தமிழ் ஆசிரியம் நிருவாகத்திற்கு அனுப்பப்படும். பிறகு, உங்கள் கூகில் அஞ்சல் பெட்டகத்தை (gmail inbox) அன்றாடம் பார்த்துக்கொண்டே இருக்கவும். ஒரு வாரக் காலத்திற்குள் உங்களுக்குப் பதில் கிடைக்கும்.

*தமிழ் ஆசிரியம் உறுப்பினர் ஆகிவிட்ட பிறகு என்ன செய்ய வேண்டும்?

உங்களுடைய விண்ணப்பம் ஏற்றுக்கொள்ளப்பட்ட பின்னர் உங்களுக்கு ஒரு மின்னஞ்சல்(gmail) வரும்.

அதன் பிறகு நீங்கள் உறுப்பினர் என்ற தகுதியுடன் ‘தமிழ் ஆசிரியம் மடற்குழு’ வில் வலம் வரலாம்; இணையம் வழி நமது ஆசிரிய நண்பர்களுடன் கலந்துரையாடலாம்; கருத்துப் பரிமாற்றம் செய்யலாம்.


*மேலே வட்டமிடப்பட்ட பகுதியில் காணப்படும் எல்லா நடவடிக்கையிலும் நீங்கள் பங்கேற்கலாம். அவை என்னவென்று இனி பார்ப்போம்.

1.முகப்பு:- தமிழ் ஆசிரியம் முகப்புப் பக்கம் இது.

2.கருத்தாடல்:-இந்தப் பகுதியில் பல்வேறு தலைப்பில் கருத்தாடல் செய்யலாம். அங்கு காணப்படும் தலைப்புகளைச் சொடுக்கி; படித்துப் பார்த்து; உங்கள் கருத்துகளை எழுதலாம். அப்படி கருத்து எழுத விரும்பினால் நீங்கள் படிக்கும் செய்திக்குக் கீழே (reply) என்பதைச் சொடுக்கி உங்கள் கருத்தை எழுதி அனுப்பலாம். தமிழ் ஆசிரியம் நிருவாகத்தின் ஒப்புதலுக்குப் பின் உங்கள் கருத்து வெளியிடப்படும்.

3.கருத்தாடல்:- பகுதியில் நீங்களும் புதிய கருத்தாடலைத் / தலைப்பைத் தொடக்கி வைக்க முடியும். அதற்கு, கருத்தாடல் என்பதைச் சொடுக்கினால் அதன் கீழே தெரியும் (+new post) என்பதைச் சொடுக்கி, கொடுக்கப்படும் தட்டச்சுப் பெட்டியில் தலைப்பு மற்றும் செய்தியை எழுதி அனுப்பலாம். தமிழ் ஆசிரியம் நிருவாகத்தின் ஒப்புதலுக்குப் பின் உங்கள் செய்தி வெளியிடப்படும்.

4.பக்கங்கள் / கோப்புகள்:- இப்பகுதியில் உங்களிடமுள்ள நல்ல செய்திகள், தகவல்கள், படங்கள், கோப்புகள் ஆகியவற்றை மற்ற உறுப்பினர்களோடு பகிர்ந்துகொள்ள முடியும். (இப்போதைக்குத் தமிழ்மொழிப் பாடக் கலைத்திட்டம், இலக்கண இலக்கிய விளக்கவுரை, தமிழர் கலை/விளையாட்டு, தமிழ்க் கலைச்சொற்கள், மன அழுத்தம், தன்னிகரில்லாத் தமிழ், தாய்மொழிக் கல்வி முதலிய தலைப்புகளில் பக்கங்கள் சேமிக்கப்பட்டுள்ளன )

5.About this group:- இதில் ‘தமிழ் ஆசிரியம் மடற்குழு’ பற்றிய விவரங்கள் இருக்கும்.

6.Edit my membership:-இங்கு உங்களைப் பற்றிய விவரங்களைக் கொடுக்கவும். படத்தையும் இணைக்கலாம். இங்கு முடியாவிடில் சற்று மேலே உங்கள் மின்னஞ்சல் முவரிக்குப் பக்கத்தில் (Profile) என்று இருப்பதைத் தேடிப்பார்த்து அங்கேயும் உங்கள் விவரத்தைச் சேமிக்கலாம்.

7.Invite members:- இது உங்கள் நண்பர்களை (ஆசிரியர்கள் மட்டும்) ‘தமிழ் ஆசிரியம் மடற்குழு’வுக்கு அழைப்பதற்கு உள்ள பகுதி. உங்கள் நண்பர்களை அழைத்து உறுப்பினராக சேர்க்கலாம்.


இன்னும் என்ன ஆசிரிய நண்பர்களே...
இன்றே.. இப்போதே.. 'தமிழ் ஆசிரியம்' உறுப்பினர் ஆகலாமே!!

உங்களை அன்போடு வரவேற்க 'தமிழ் ஆசிரியம்' ஆவலுடன் காத்திருக்கிறது.

'தமிழ் ஆசிரியம்' உறுப்பினர் ஆக இங்கே சொடுக்கவும்.

(பி.கு:- தமிழ் ஆசிரியம் தொடர்பாக மேல் விளக்கம் தேவைப்பட்டால் கீழே மறுமொழி பகுதிக்கு எழுதவும். அல்லது suba.nargunan@gmail.com முகவரிக்கு மின்னஞ்சல் விடுக்கவும்)

2 comments:

Unknown said...

vanakam.
naan tamil aasiriyam pagutikku putiyavan. inggu tamil valayattai parppatil miga magilchi.

inggu nirayya seitigal ullana.
ini thodarnhutu unggalodu irupen,
nandri.

stdc said...

வணக்கம்.ஆசிரியர்களுக்கான் அகப்பக்கத்தைக் கண்டு ளர்அகமகிழ்ந்தேன்.வளரட்டும் ஆசிரியம்.

Blog Widget by LinkWithin